Магчымасць карыстацца банкаўскімі плацёжнымі тэрміналамі ёсць у 74 гандлёвых прадпрыемствах Капыльскага райспажыўтаварыства.
Гэта ўсе аб’екты грамадскага харчавання, больш чым 70% магазінаў, устаноўлены тэрміналы і ў васьмі аўтамагазінах.
Як паведаміў першы намеснік старшыні праўлення райспажыўтаварыства Аляксандр Танко, удзельная вага разлікаў пакупнікоў па тэрміналах пастаянна расце і за 10 месяцаў гэтага года склала 11,5% ад усёй выручкі (больш чым на 2% у параўнанні з мінулым годам). За дынамічны рост удзельнай вагі калектывы магазінаў “Мэбля” г. Капыля і вёскі Харытонаўка адзначаны філіялам ААТ “ААБ Беларусбанк”.
У перспектыве ўсе гандлёвыя прадпрыемствы райспажыўтаварыства будуць мець такія зручныя і надзейныя сродкі аплаты. Сёлета іх устаноўлена дзесяць, да канца года з’явяцца яшчэ шэсць
.
Сяргей КОЗЕЛ
Комментарии