Працягваюцца восеньскія кірмашы, якія кожную суботу радуюць пакупнікоў сваёй прадукцыяй. Мноства машын з розных гаспадарак раёна прыбываюць на плошчу імя У. І. Леніна ў Капылі, дзе бойка ідзе гандаль садавінай, агароднінай.
У гэтую суботу прыехалі прадаўцы нават з Брэсцкай вобласці, якія прапаноўвалі лясныя, грэцкія арэхі і гарбузікі. І іх тавар аказаўся запатрабаваным у наведвальнікаў кірмаша. Парадаваў вялікі выбар рыбнай прадукцыі. Акрамя гэтага прадавалі саджанцы розных парод дрэў.
Трэба адзначыць, што за працяглы час правядзення сезонных кірмашоў цікавасць наведвальнікаў і пакупнікоў да іх не зменшылася.
Павел ШЭІН
Фота аўтара
Комментарии