Паспяхова закончыўся для прадстаўнікаў Капыльшчыны трэці абласны конкурс дзіджэяў “Дыскатэчны рух-2010”.
У ім узялі ўдзел вядучыя дзіджэі і арганізатары дыскатэк Дзяржынскага, Любанскага, Чэрвеньскага, Салігорскага і іншых раёнаў Міншчыны. Арганізатарамі конкурсу, які прайшоў у горадзе Слуцку, выступілі ўпраўленне культуры Мінскага аблвыканкама, Мінскі абласны цэнтр народнай творчасці, аддзел па справах моладзі Мінскага аблвыканкама і Слуцкі райвыканкам.
За званне лепшых змагаліся 12 каманд, кожная з якіх падрыхтавала індывідуальную праграму. Літаральна ўсе атрымалі дыпломы, граматы і каштоўныя падарункі ў розных намінацыях, а дзіджэі Дзяніс Адуцкевіч (Дзяржынскі раён), Андрэй Сургучоў, Аляксей Патапаў і Максім Мароз (Капыльскі РЦК) былі адзначаны яшчэ і асабістымі прызамі.
Комментарии