24
Навіны рэгіёна: Пацейкаўскі сельсавет
17.08.2013
в. Траянава.
Замена асфальту.
Праведзена замена асфальту на цэнтральнай вуліцы населенага пунк- та. 1 км 200 м дарогі атрымалі новае пакрыццё. Рамонт праведзены за кошт сродкаў абласнога бюджэту па праграме ДРБУ №124.
аг. Пацейкі
Спілуюць дрэвы
Днямі пройдзе акцыя па прарэ-джванні ад дрэў і кустоўя старых грамадзянскіх могілак. На гэтыя мэты з падвор’яў сабрана каля 8 млн рублёў. Дапамогу ў спілоўванні акажуць супрацоўнікі падраздзяленняў МНС. Для асвячэння магіл будзе запрошаны свяшчэннік. А на новых могілках заменена 120 м агароджы на жалезабетонную.
в. Кацельнікі
Рамонт помніка
Праведзены капітальны рамонт помніка аднавяскоўцам, якія загінулі ў час Вялікай Айчыннай вайны. Адрамантавана тумба, заменена плітка. Увогуле ж на могілках спілавана 58 дрэў, ідзе выкарчоўванне пнёў, заменена 250 м агароджы.
в. Кудзінавічы
Выразаны баршчэўнік
На 0,7 га выразаны баршчэўнік Сасноўскага. Ён знішчаны на тэрыторыі каля могілак і сажалкі. Таксама рыхтуецца каштарысная дакументацыя на замену 280 м агароджы на могілках пры ўдзеле мясцовай улады, сектара занятасці і ААТ “Прагрэс 2010”.
в. Печураны
Парадак ля Дома сацпаслуг
Праведзена акцыя па добраўпарадкаванні тэрыторыі Дома сацыяльных паслуг. Ідзе замена плоту, абкошванне, высечка парасткаў. Днямі тут пройдзе сустрэча з фельчарам, а таксама аграномам ААТ “Душава”, дзе будзе закранута пытанне ўборкі прысядзібных участкаў.
Падрыхтаваў Сяргей КОЗЕЛ
Поделиться
Автор: info
Комментарии