Зрабіць вёскі больш прыгожымі і добраўпарадкаванымі імкнуцца і ў Грозаўскім сельскім Савеце. Да гэтай работы, як адзначыла старшыня сельвыканкама Жанна Скрыган, актыўна падключаюцца дэпутаты і старэйшыны. Іх асноўная задача – пастаянна трымаць сувязь з вяскоўцамі, даносіць да іх рознага кшталту інфармацыю, ведаць пра ўсе праблемы, з якімі сутыкаюцца вясковыя жыхары.
“На тэрыторыі нашага сельсавета, — расказвае Жанна Леанідаўна, — 18 населеных пунктаў. Хочацца, каб усе яны годна выглядалі. Таму мы стараемся наводзіць парадак на вясковых вуліцах: даглядаем могілкі, рамантуем платы, замяняем слупкі. У планах сёлета замяніць агароджу ў в. Загараўшчына. Вялікае значэнне надаём арганізацыі збору смецця. Для гэтага, таксама пры актыўным удзеле дэпутатаў і старэйшын, правялі заключэнне дагавораў паміж вяскоўцамі і КУП “Капыльскае ЖКГ”.
Адчувальная дапамога сельскага актыву і ў рабоце з сённяшнімі гаспадарамі пустуючых сядзіб.
Комментарии