Пачалася рэалізацыя прапановы ініцыятыўнай групы Капыльскага раёна “Добраўпарадкаванне поймы ракі Каменка ў г. Капылі”, якая ўвайшла ў праект міжнароднай тэхнічнай дапамогі “Умацаванне грамадскага ўзаемадзеяння для ўстойлівага развіцця сельскіх тэрыторый
Беларусі”.
Па ініцыятыве райвыканкама ў работу ўключыліся прадстаўнікі разнастайных прадпрыемстваў, арганізацый, устаноў горада і раёна. У гэты дзень на добраўпарадкаванне ракі выйшлі супрацоўнікі жыллёва-камунальнай гаспадаркі, масласырзавода, упраўлення райсельгасхарчу, падатковай службы, аддзелаў адукацыі, культуры, па справах моладзі, райкама ГА “БРСМ”, дзяржаўнага прафесійна-тэхнічнага каледжа і інш. Працоўны дэсант вёў абкошванне берагоў, высечку кустоўя, спілоўванне дзікарослых дрэў, уборку смецця.
Першы крок у рэалізацыі праекта зроблены, работы па акультурванні поймы ракі Каменка працягваюцца.
Сяргей ЛАЗОЎСКІ
Фота аўтара
Комментарии