10-11 мая ў сталіцы праходзілі алімпійскія дні моладзі Мінскай вобласці па лёгкай атлетыцы. Юнакі і дзяўчаты Капыльшчыны таксама прынялі ўдзел у прэстыжным спартыўным форуме.
Выдатную падрыхтоўку паказалі нашы бегуны. Так, Уладзімір Раеўскі стаў пераможцам у бегу на 1500 метраў, Марына Нікалаеня на такой жа дыстанцыі заняла другое месца, а Карына Кісель стала самай хуткай на трохкіламетровай трасе.
Але капыляне праявілі сябе не толькі ў бегавых дысцыплінах. Дзмітрый Сташанін паказаў другі вынік у штурханні ядра, а Карына Кісель увогуле стала пераможцай у… кіданні дыска.
Сяргей ЛАЗОЎСКІ
Комментарии