20
Справы вясковыя
27.05.2013
(інфармацыя ўпраўлення райсельгасхарчу па стане на 24 мая 2013 года)
Пачалася касавіца.
У раёне пачалася нарыхтоўка кармоў. Ужо прыступілі да скошвання траў першым укосам ААТ “Капыльскае” (230 га), “Піянер-Агра” (105 га), “Ціміразеўскі” (90 га), РСУП “Бабоўня” (74 га) і некаторыя іншыя гаспадаркі — усяго сем.
Цукровыя буракі патрабуюць увагі
Усе гаспадаркі, якія займаюцца вырошчваннем цукровых буракоў, вялі першую хімпраполку пасеваў гэтай культуры. Усяго апрацавана 5164 га. ААТ “Піянер-Агра”, “Капыльскае”, КСУП “С “Лясное” і “Грозава-агра” — ужо распачалі і другую.
На кукурузных палетках
Не застаюцца без увагі земляробаў і палеткі з кукурузай. Ужо правялі хімпраполку на 4214 га. Сама болей — 1200 га — апрацавана ад пустазелля ў ААТ “Старыца-Агра”, а ААТ “Піянер-Агра” ўвогуле завяршыла гэтыя работы.
Супраць рапсавых шкоднікаў
Апрацоўку палеткаў з азімым рапсам супраць шкодных насякомых завяршылі большасць гаспадарак, некаторыя нават апрацавалі інсектыцыдамі палеткі двойчы. Аднак на рахунку ЗАТ “Жыліхава” толькі 27% неабходных плошчаў, ААТ “Душава” — 51%.
У пошуках прыбаўкі малака
Надой ад адной каровы ў сярэднім па раёне складае 13,08 кг, і гэта на 1 кг 300 г менш, чым летась і на 0,52 кг больш, чым на пачатак бягучага месяца. Атрыманы валавы надой 266 547 кг (94%). Прыбаўка склала 11 259 кг.
Поделиться
Автор: info
Комментарии