31
Весткі з палёў (CMigrator copy 4)
18.05.2013
(інфармацыя ўпраўлення райсельгасхарчу па стане на 17 мая 2013 года)
На 89% у раёне выкананы план па сяўбе яравых культур. Пасеяна 34 154 га з 38 585 га неабходных.
Гаспадаркамі Капыльшчыны пасаджана 837 га бульбы, што складае 83% да плана.
Вырошчваннем цукровых буракоў будуць займацца 14 сельгаспрадпрыемстваў раёна. Гэта культура зойме 5020 га (засеяна 5010 га), акрамя таго на 843 га арандаваных земляў размясціла пасевы салодкага кораня СУП “Аграсэрвіс-СЦК”.
У гэтым годзе пад кукурузу будзе адведзена 13 400 га, у тым ліку 6100 га — на зерне. Пакуль засеяна 75% плошчаў. Толькі 29% на рахунку ААТ “Суворава-Агра”, 52% — у СГФ “Руднае”, 59% — у ф-ле “В. Раёўка”.
На 261 га закладзены насеннікі шматгадовых траў. Гэтай справай будуць займацца восем гаспадарак.
Ідзе хімпраполка як азімых, так і яравых культур. Ужо апрацавана 9291 га азімых і 1518 га яравых збожжавых, 2521 га азімага рапсу, 1375 га кукурузы, на 2357 га праведзена першая апрацоўка цукровых буракоў.
Падрыхтавала Маргарыта САКОВІЧ
Поделиться
Автор: info
Комментарии