23
Навіны рэгіёна:
10.02.2013
Капыльскi сельсавет,
в. Мажа.
Стала цяплей.
У будынку дзіцячага сада ўстаўлены шклопакеты, ад чаго значна цяплей стала ў дашкольнай установе. Бацькі дзяцей вельмі ўдзячны аддзелу адукацыі Капыльскага райвыканкама за праведзеную работу.
в. Дусаеўшчына
Жыве памяць
Па ініцыятыве старшыні ветэранскай арганізацыі ААТ “П-з “Дусаеўшчына” Чаславы Феліксаўны Грыгаровіч і члена арганізацыі Ядвігі Генрыхаўны Малевіч падрыхтаваны матэрыял “Раны вайны не загаіліся і сёння”, які стане асновай для выдання брашуры.
в. Васілеўшчына
Для зручнасці
У вёсцы праведзена добраўпарадкаванне дарогі. Яе падсыпка зроблена сіламі ДРБУ №124.
в. Скабін
На радасць дзецям
Сапраўднае свята для дзетвары арганізавалі работнікі Скабінскага СДК. Хлопчыкі і дзяўчынкі прынялі ўдзел у спартыўных гульнях пад назвай “Зімовыя забавы”. Гэта мерапрыемства прайшло ў рамках дзейнасці клуба “Калабок”.
в. Падгорцы
Дзеля парадку
Супрацоўнікамі сельскага выканаўчага камітэта праведзены ўлік старых і пустуючых дамоў у вёсцы. Падрыхтаваны матэрыял па зносе трох старых дамоў.
в. Аножкі
Магазін - пад жыллё
Будынак магазіна райспажыўтаварыства, які доўгі час пуставаў, прададзены пад жыллё. А жыхароў вёскі абслугоўваюць аўтамагазіны райспажыўтаварыства і індывідуальных прадпрымальнікаў.
в.Вошкаты
У мэтах бяспекі
Спецыяльная служба Капыльскай ЖКГ правяла адлоў бадзяжнага сабакі, які прыбіўся да сядзібы адной з жыхарак вёскі і сваімі агрэсіўнымі паводзінамі пагражаў жыццю людзей.
Падрыхтавала Марыя ШЭІНА
Поделиться
Автор: info
Комментарии