Летняя пара дазваляе не толькі добра адпачыць і набрацца сіл, але і плённа папрацаваць, зарабіць крыху грошай, каб спраўдзіць свае даўнія мары пра якую-небудзь карысную і патрэбную рэч.
З мэтай арганізацыі летняй занятасці моладзі ў чэрвені-жніўні 2010 г. на тэрыторыі Капыльскага раёна будуць дзейнічаць 8 валанцёрскіх і 4 экалагічныя атрады, у склад якіх уваходзяць навучэнцы ўстаноў адукацыі раёна. Добраўпарадкаванне прышкольнай тэрыторыі, памятных месцаў, аказанне дапамогі ветэранам, састарэлым, адзінокім, інвалідам – вось далёка не поўны пералік карысных спраў юных валанцёраў і эколагаў. На базе СВК “Мажа-Агра” створаны сельскагаспадарчы атрад “Ліцэісты”. Індывідуальна на сельскагаспадарчых і будаўнічых прадпрыемствах горада і раёна будзе працаваць больш за 170 маладых людзей. 
На працягу сакавіка-ліпеня бягучага года аддзелам занятасці была арганізавана дзейнасць трох працоўных атрадаў з ліку навучэнцаў Капыльскага СПЛ. Працаўладкавана 116 чалавек.
Валянціна БАЛАЖЫНСКАЯ,
начальнік аддзела па справах моладзі райвыканкама
НА ЗДЫМКУ: 1. На таку працуюць «Ліцэісты»: Аляксандр Кахановіч і Андрэй Калько; 2 Яўгенія Лях, Марыя Калько і Таццяна Макуцэня.
Фота Сяргея ЛАЗОЎСКАГА
Комментарии