22
Навіны адным абзацам
24.01.2013
УЛАДА. На пасяджэннях сельвыканкамаў, якія праходзяць на працягу студзеня, разглядаліся прагнозы сацыяльна-эканамічнага развіцця рэгіёна на 2013 год, вынікі адпаведнай работы ў мінулым годзе, зацвярджаліся мерапрыемствы па добраўпарадкаванні сельскіх населеных пунктаў і праграмы развіцця тэрыторый сельскіх Саветаў.
АЛІМПІЯДЫ. Чатыры навучэнцы Капыльшчыны прымуць удзел у заключным этапе рэспубліканскай алімпіяды па прадметах, які адбудзецца ў сакавіку 2013 года. Яны пакажуць узровень ведаў па інфарматыцы, гісторыі, працоўным навучанні, матэматыцы.
ТАЛЕНТЫ. Марыя Брылеўская, навучэнка ДУА «СШ № 2 г. Капыля імя Ц. Гартнага», узнагароджана дыпломам Лаўрэата I ступені на міжнародным фестывалі-конкурсе музычна-мастацкай творчасці «Славянскія сустрэчы» ў намінацыі «Джазавы вакал».
КОНКУРС. У абласным конкурсе, які праводзіўся сярод юных мастакоў на тэму: “Бяспечная праца — мая шчаслівая будучыня!”, адзначана работа Сяргея Саладухі, навучэнца Цэнтра творчасці дзяцей і моладзі Капыльскага раёна.
ДУХОЎНАСЦЬ. У актавай зале Капыльскага дзяржаўнага прафесійна-тэхнічнага каледжа адбыўся вечар духоўнай музыкі “Вера. Надзея. Любоў”. Для навучэнцаў прагучалі песні пра каханне, дружбу і сэнс жыцця, яны атрымалі сапраўдную асалоду і ад выступлення саксафаніста Уладзіміра Якубовіча.
НАГЛЯД. З 21 па 29 студзеня ў Капыльскім раёне, як і ў цэлым па Мінскай вобласці, у адносінах асоб, якія маюць судзімасць, будзе праводзіцца спецыяльнае комплекснае мерапрыемства “Нагляд”.
Поделиться
Автор: info
Комментарии