41
Трымалі адказ за дапушчаныя пралікі
10.12.2012
На чарговым пасяджэнні Савета ўпраўлення райсельгасхарчу, якое адбылося ў мінулы чацвер, былі заслуханы кіраўнікі і галоўныя зоаветспецыялісты гаспадарак, якія дапусцілі пралікі ў сваёй дзейнасці.
Так, давялося тлумачыць, чаму не была забяспечана захаванасць парасят у СГФ “Браткава”, што прывяло да невытворчага выбыцця цялушак у КСУП “Доктаравічы”, якія фактары паслужылі прычынай нізкай якасці малака ў СГФ “Крыніца”, “Руднае”, ААТ “Малінава”, “Душава”. Больш за месяц таму скончыўся тэрмін, вызначаны для рэалізацыі мерапрыемстваў па біялагічнай ахове ад афрыканскай чумы на свінатаварнай ферме ў апошняй з названых гаспадарак, таму дырэктар і галоўныя зоавет-спецыялісты ААТ “Душава” давалі справаздачу, што ўжо зроблена і чаму своечасова не дадзены адказ у райветстанцыю. Гучала патрабаванне пастаянна весці кантроль за станам механізатараў і вадзіцеляў як перад пачаткам працоўнага дня, так і пасля яго заканчэння, заносіць у адпаведны журнал і пуцявыя лісты час пастаноўкі тэхнікі на машынна-трактарны двор.
За дапушчаныя пралікі кіраўнікі названых гаспадарак, галоўныя заатэхнікі і галоўныя ветурачы атрымалі спагнанні – ад вымовы і пазбаўлення пэўнага працэнта дадатковых даплат да аб’яўлення заўвагі з патрабаваннем узмацніць кантроль за работай сваіх падначаленых.
Маргарыта САКОВІЧ
Поделиться
Автор: info
Комментарии