25
Навіны раёна адным абзацам (CMigrator copy 35)
05.12.2012
ЗЛЁТ. Заўтра адбудзецца раённы злёт маладых спецыялістаў, якія прыбылі на работу пасля заканчэння сярэдніх спецыяльных і вышэйшых навучальных устаноў. Для яго ўдзельнікаў падрыхтавана цікавая праграма: міні-канцэрт, экскурсіі ў раённы краязнаўчы музей, РЦК, на фізкультурна-аздараўленчы комплекс.
ЁЛКА. Пяць лепшых навучэнцаў Капыльшчыны, выхадцаў са шматдзетных сем’яў, наведаюць галоўную ёлку краіны. Мерапрыемства пройдзе 27 снежня ў Палацы Рэспублікі.
ТЭХНАГЛЯД. Учора адбыліся ўзаемаправеркі з удзелам прадстаўнікоў службы дзяржтэхнагляду, падчас якіх увага звярталася на стан машынна-трактарных паркаў і пастаноўку тэхнікі на захоўванне.
ПАРАДАК. На тэрыторыі раёна ўстаноўлены 177 кантэйнераў па раздзельным зборы адходаў, у тым ліку ў Капылі - 99 кантэйнераў, у сельскай мясцовасці - 78.
ПРАФЕСІЯ. У Капыльскім дзяржаўным прафесійна-тэхнічным каледжы ўведзена завочная форма навучання па прафесіях “сацыяльны работнік”, “швачка 3-га разраду” на базе агульнай сярэдняй адукацыі. А ўчора на базе ўстановы прайшлі ўступныя іспыты на завочнае аддзяленне па спецыяльнасці “Тэхнічнае забеспячэнне сельскагаспадарчай вытворчасці па напрамках”.
ТЭСЦІРАВАННЕ. З 4 па 8 снежня на базе гімназіі №1 г. Капыля адбудзецца першы этап рэпетыцыйнага тэсціравання, у якім прыме ўдзел 341 чалавек.
ПАШПАРТ. У адпаведнасці з Указам Прэзідэнта Рэспублікі Беларусь №197 ад 19 красавіка 2012 года ў Капыльскім раёне атрымалі і абмянялі пашпарты 2070 чалавек, з якіх 34 - жыхары Капыльшчыны, якім споўнілася 14 гадоў.
Поделиться
Автор: info
Комментарии