21
Навіны раёна адным абзацам (CMigrator copy 34)
28.11.2012
Парадак. У раёне распрацавана і зацверджана схема работы з адходамі. Усе населеныя пункты без выключэння ўвайшлі ў сістэму планава-рэгулярнага збору і вывазу камунальных адходаў.
Акцыя. Раённая арганізацыя ГА «Беларускі саюз жанчын» і ТЦСАН напярэдадні Новага года праводзяць акцыю «Матуліны казкі» па зборы дзіцячых кніг. Яны будуць перададзены ў дзіцячае аддзяленне бальніцы, карэкцыйна-развіваючы цэнтр і сем’ям, што знаходзяцца ў сацыяльна небяспечным становішчы.
Моладзь. У пятніцу, 30 лістапада, у гімназіі №1 г. Капыля адбудзецца прыём новых членаў маладзёжнага атрада аховы правапарадку. Плануецца, што адпаведныя пасведчанні атрымаюць 25 чалавек.
Конкурс. Аддзелам адукацыі арганізаваны раённы конкурс плакатаў “Спыніць СНІД”, прымеркаваны да Сусветнага дня прафілактыкі СНІДу. У ім прымаюць удзел усе навучальныя ўстановы раёна. Пераможцы конкурсу будуць дэманстраваць свае работы на аналагічным абласным спаборніцтве.
ЛІДАРЫ. Учора ў Радашковічах адбыўся абласны конкурс “Дуэт-лідар” пад дэвізам “Будучыня — гэта мы”, у якім прынялі ўдзел і прадстаўнікі нашага раёна. Сваю зладжанасць, таленавітасць і актыўную жыццёвую пазіцыю прадэманстравалі Кацярына Жук, вучаніца СШ № 3 г. Капыля, і педагог-арганізатар гэтай навучальнай установы Алена Пласкавіцкая.
ВЫСТАВА. Удала выступілі выхаванцы цэнтра творчасці дзяцей і моладзі Капыльскага раёна на занальнай выставе-конкурсе “Калядная зорка”, які праходзіў у Салігорску 16 лістапада. Лепшыя тры работы былі рэкамендаваны да ўдзелу ў абласным туры.
СЕМІНАР. У Капыльскім дзяржаўным прафесійна-тэхнічным каледжы адбыўся абласны семінар, у рамках якога прайшла канферэнцыя ў рэжыме on-linе з беларускім аграрна-тэхнічным універсітэтам, Ёнішкскай сельскагаспадарчай школай (Літоўская Рэспубліка) і Маскоўскім абласным сельскагаспадарчым каледжам (Расія).
Бяспека руху. Супрацоўнікамі ДАІ з пачатку года да адміністрацыйнай адказнасці было прыцягнута 415 пешаходаў, з іх за знаходжанне ў нецвярозым стане - 27 чалавек.
Падрыхтавалі М. САКОВІЧ, С. КОЗЕЛ, С. ЛАЗОЎСКІ, М. ШЭІНА
Поделиться
Автор: info
Комментарии