На працягу шасці дзён работы фестывалю праваслаўнай культуры “Кладезь” прайшло шмат мерапрыемстваў, накіраваных на ўмацаванне высокіх маральных прынцыпаў, духоўнае адраджэнне грамадства.
[caption id="attachment_22652" align="aligncenter" width="443" caption="Падчас малебна ў Спаса-Узнясенскім храме."]
[/caption]
За гэты час, акрамя штодзённых малебнаў за здароўе ля ікон святых, арганізатары фестывалю наведалі шмат устаноў горада і раёна з разнастайнымі праектамі. Так, адбыліся сустрэчы-гутаркі ў Бабаўнянскай бальніцы сястрынскага догляду, цэнтральнай раённай бальніцы, цэнтральнай раённай бібліятэцы, гарадскіх школах і прафесійна-тэхнічным каледжы. Шэраг мерапрыемстваў быў праведзены з “цяжкімі” падлеткамі, сем’ямі, якія апынуліся ў сацыяльна небяспечным становішчы.
Вера, надзея і любоў суправаджалі кожны прапанаваны праект. І, неабходна адзначыць, асабліва актыўна праваслаўныя капыляне ішлі ў Спаса-Узнясенскі храм горада, каб памаліцца за здароўе блізкіх ля вялікіх святынь.
Сяргей ЛАЗОЎСКІ
Фота аўтара
Комментарии