41
Навіны раёна адным абзацам (CMigrator copy 31)
24.10.2012
Урачыстасць. 25 кастрычніка па вуліцы Цімкавіцкай, д. 4а адбудзецца ўрачыстае адкрыццё новага адміністрацыйнага будынка Капыльскага аддзялення Дэпартамента “Ахова” МУС Рэспублікі Беларусь.
ВЫТВОРЧАСЦЬ. Чатырнаццаць найменняў цвёрдага сыру прапануе сваім патэнцыяльным пакупнікам Капыльскі масласырзавод. Сярод іх – “Белорусское золото” 50%, “Сырный орешек” 50%, “Купаловский” 50%, “Гройцер” молодой 50% і інш.
ДАБРАЧЫННАСЦЬ. Навучэнцы ДУ “Капыльскі дзяржаўны прафесійна-тэхнічны каледж” наведалі выхаванцаў сацыяльнага прытулка. Яны ўручылі хлопчыкам і дзяўчынкам цацкі, школьныя прылады і інш. Мерапрыемства прайшло ў рамках Тыдня маці.
КАДРЫ. Адміністрацыяй Капыльскага прафесійнага каледжа заключаны дагаворы ўзаемадзеяння на падрыхтоўку кадраў з 7 прадпрыемствамі і арганізацыямі раёна — ААТ “Семежава”, “Старыца-Агра”, “Мажа-Агра”, ПМК-194, ТАА “Капыльскі энергасэрвіс”, Капыльскім райспажыўтаварыствам.
КОНКУРС. Сталі лаўрэатамі 5-га адкрытага конкурсу дзіцячай і юнацкай творчасці “Залатая ліра-2012” выхаванцы ДУДА “Цэнтр творчасці дзяцей і моладзі Капыль- скага раёна”. За паспяховае выступленне ўдзельнікі ансамбля сучаснага эстраднага танца “Вяснушкі” пад кіраўніцтвам Святланы Палонскай былі адзначаны Дыпломам ІІ ступені і Кубкам.
Спорт. 20 кастрычніка ў Капылі прайшло першынство ўстановы “ДЮСШ агульнай фізічнай падрыхтоўкі Капыльскага райкама прафсаюза работнікаў АПК” па лёгкай атлетыцы, у якой прынялі ўдзел 60 юных спартсменаў.
Стральба. У сярэдняй школе №2 г. Капыля ў суботу адбудуцца спаборніцтвы па стральбе с пнеўматычнай вінтоўкі, дзе прымуць удзел каманды арганізацый, прадпрыемстваў, устаноў горада і сельгаспрадпрыемстваў.
Поделиться
Автор: info
Комментарии