На працягу ўсёй уборачнай мы сачылі за ходам спаборніцтва маладых удзельнікаў жніва. Пераможцамі сярод маладзёжных экіпажаў прызнаны браты Ігар і Дзмітрый Цвілевічы з СГФ “Руднае”, якія падчас уборачнай кампаніі працавалі на КЗС-1218. Сёлета намалот іх склаў 1787 тон з 429 га.
[caption id="attachment_20669" align="aligncenter" width="443" caption="Дзмітрый і Ігар Цвілевічы"]
[/caption]
Дзмітрый працуе ў Мінску на СТА слесарам па рамонце аўтамабіляў, а падчас уборкі збожжавых прыязджае да брата-механізатара, які жыве ў Рудным.
У складзе экіпажа яны працуюць ужо сем гадоў і дабіваюцца поспехаў. Так, у 2008 годзе браты Цвілевічы ўдзельнічалі ў абласных “Дажынках” у Любані і атрымалі каштоўныя падарункі. А цяпер таксама вызначыліся: іх прозвішчы будуць занесены на абласную Дошку гонару на інтэрнэт-партале “Моладзь Міншчыны”, якая стартавала ў пачатку жніўня гэтага года.
Першы сакратар РК ГА “БРСМ” Аляксей Загорцаў і член Капыльскай раённай арганізацыі РГА “Белая Русь” Ларыса Юха прыехалі на поле, каб павіншаваць пераможцаў. Ад Капыльскага райвыканкама ім былі ўручаны маланкі-падзякі, ад Капыльскай раённай арганізацыі “Белая Русь” — прадуктовыя наборы, сімволіка і граматы, ад РК ГА “БРСМ” — вымпелы і граматы.
Павел ШЭІН
Фота аўтара
Комментарии