32
Навіны раёна адным абзацам (CMigrator copy 23)
16.08.2012
ПАДВОР’І. Уборку прысядзібных участкаў вяскоўцаў вядуць большасць сельгаспрадпрыемстваў. Намалочана 901 тона збажыны пры сярэдняй ураджайнасці 43,5 ц/га.
СЕНА. На падвор’і жыхароў сельскіх населеных пунктаў дастаўлена 884 тоны сена (летась — 715 тон). Больш за ўсё сена завезена з РСУП “Бабоўня” — 156 тон і КСУП “Доктаравічы” — 126 тон.
МАЛАДНЯК. З пачатку года ў насельніцтва закуплена 424 цяляці. Найбольшы паказчык у Бабаўнянскім сельсавеце — 63. У гаспадаркі, размешчаныя на тэрыторыі мясцовых сельсаветаў, прададзена 236 галоў, у іншыя сельгаспрадпрыемствы раёна — 26.
НАРАДЖАЛЬНАСЦЬ. Сёлета ў аддзеле запісу актаў грамадзянскага стану зарэгістравана 168 навароджаных: 86 хлопчыкаў і 82 дзяўчынкі. Папулярнымі імёнамі ў капылян сталі Кірыл, Павел, Мікіта, Мацвей, Дзмітрый, Арцём і Валерыя, Дар’я, Паліна, Марыя, Кацярына, Вікторыя.
ВЫСТАВА. У выставачнай зале раённага краязнаўчага музея на працягу месяца будзе працаваць выстава “Льняные смотрины”. На ёй прадстаўлены работы майстроў-канкурсантаў, удзельнікаў ІІІ абласнога свята-конкурсу па ткацтве ручніка “Млечны шлях ад рук бабулі” са Старадарожскага, Любанскага, Вілейскага, Узденскага, Нясвіжскага, Крупскага, Слуцкага, Валожынскага, Барысаўскага, Капыльскага раёнаў.
Ягады. Тэрміны збору ягад журавіны і брусніц вызначаны ў рэгіёнах нашай рэспублікі. У Мінскай вобласці па брусніцы можна збірацца з 25 жніўня, па журавіны - з 8 верасня.
Падрыхтавалі М. САКОВІЧ, Т. БОХАН, У. СКРЫПІНСКІ
Поделиться
Автор: info
Комментарии