Студэнцкі будаўнічы атрад “Крылы”, створаны па ініцыятыве райкама ГА “БРСМ”, працуе гэтымі днямі на рэканструкцыі малочнатаварнай фермы “Быстрыца” ў ААТ “Ціміразеўскі”. У яго склад уваходзяць 12 навучэнцаў першых-другіх курсаў ДУ “Капыльскі дзяржаўны прафесійна-тэхнічны каледж”. Узначальвае атрад майстар вытворчага навучання Віктар Мінец.
З першага дня для студэнтаў быў вызначаны фронт работ: добраўпарадкаванне тэрыторыі фермы, устаноўка бардзюраў, бетанаванне і г. д. А вось падчас нашага наведвання юнакі займаліся ачысткай памяшкання ад пабелкі. У гаспадарцы маладых памочнікаў цёпла сустрэлі. Для пражывання выдзелены добраўпарадкаваны дом. Працоўны дзень доўжыцца сем гадзін. Арганізавана трохразовае харчаванне. А для таго, каб пераапрануцца і адпачыць, ёсць спецыяльнае бытавое памяшканне, якое можна назваць сапраўдным штабам студатрада.
— Мы ўдзячны кіраўніцтву сельгаспрадпрыемства за цёплы прыём і адносіны, — адзначае майстар Віктар Мінец. — Мы разумеем, што наша дапамога неабходна гаспадарцы, ды і зарабіць падчас канікул можна няблага.
Дырэктары ААТ “Ціміразеўскі” Аляксандр Турбан і будаўнічага комплексу “БВМ-сэрвіс” Дзмітрый Бычанок адзначылі адказныя адносіны студэнтаў да даручанай справы, іх высокую дысцыпліну, якасць выкананых работ. А таксама выказалі меркаванне, што такіх памочнікаў яны б з радасцю прынялі і ў наступным месяцы.
Сяргей КОЗЕЛ
Фота Паўла ШЭІНА
Студатрад «Крылы»
Ідзе ачыстка памяшкання ад пабелкі
Студэнцкі будаўнічы атрад “Крылы”, створаны па ініцыятыве райкама ГА “БРСМ”, працуе гэтымі днямі на рэканструкцыі малочнатаварнай фермы “Быстрыца” ў ААТ “Ціміразеўскі”. У яго склад уваходзяць 12 навучэнцаў першых-другіх курсаў ДУ “Капыльскі дзяржаўны прафесійна-тэхнічны каледж”. Узначальвае атрад майстар вытворчага навучання Віктар Мінец.
З першага дня для студэнтаў быў вызначаны фронт работ: добраўпарадкаванне тэрыторыі фермы, устаноўка бардзюраў, бетанаванне і г. д. А вось падчас нашага наведвання юнакі займаліся ачысткай памяшкання ад пабелкі. У гаспадарцы маладых памочнікаў цёпла сустрэлі. Для пражывання выдзелены добраўпарадкаваны дом. Працоўны дзень доўжыцца сем гадзін. Арганізавана трохразовае харчаванне. А для таго, каб пераапрануцца і адпачыць, ёсць спецыяльнае бытавое памяшканне, якое можна назваць сапраўдным штабам студатрада.
— Мы ўдзячны кіраўніцтву сельгаспрадпрыемства за цёплы прыём і адносіны, — адзначае майстар Віктар Мінец. — Мы разумеем, што наша дапамога неабходна гаспадарцы, ды і зарабіць падчас канікул можна няблага.
Дырэктары ААТ “Ціміразеўскі” Аляксандр Турбан і будаўнічага комплексу “БВМ-сэрвіс” Дзмітрый Бычанок адзначылі адказныя адносіны студэнтаў да даручанай справы, іх высокую дысцыпліну, якасць выкананых работ. А таксама выказалі меркаванне, што такіх памочнікаў яны б з радасцю прынялі і ў наступным месяцы.
Сяргей КОЗЕЛ
Фота Паўла ШЭІНА
Студатрад «Крылы»
Ідзе ачыстка памяшкання ад пабелкі
Комментарии