24
На Капыльшчыне ідзе касавіца
27.05.2012
Па стане на 25 мая ўжо скошаны травы першым укосам на 2380 гектарах, у тым ліку за апошні дзень — на 570 га.
Касілкі працуюць як на лугапашавых угоддзях (скошана 1094 га), так і палетках са шматгадовымі травамі (1286 га). Ужо ўбрана 1096 гектараў, або 46% да скошанага.
Паводле інфармацыі ўпраўлення райсельгасхарчу, на названую дату пакуль не распачалі касавіцу толькі ў ААТ “Душава”. Лічаныя гектары на рахунку МАУП «Доктаравічы», РСУП «С «Прамень», ААТ «Малінава», ЗАТ «Жыліхава», ААТ «Праснакі». Затое ф-л “Лакнея” ўжо выканаў план па скошванні траў першым укосам на 68%, ААТ “Піянер-Агра” — на 50%.
На рахунку ААТ “Старыца-Агра”, КСУП “Грозава-агра” і ААТ “Ціміразеўскі” першыя тоны высушанага сена. Вядуць закладку сянажных траншэй у ААТ “Старыца-Агра” (3300 т), “Піянер-Агра” (3010 т), “Ціміразеўскі” (1240 т), ф-ле “Лакнея” (935 т), ДП “С “Лясное” (241,6 т), РСУП “Бабоўня” (220 т).
Ужо нарыхтавана 2545 тон кармавых адзінак, або 0,6 цэнтнера кармавых адзінак на ўмоўную галаву жывёлы.
Падрыхтавала Маргарыта САКОВІЧ
Поделиться
Автор: info
Комментарии