Паважаныя хрысціяне Капыльшчыны!
Сардэчна віншую вас з надыходзячым святам Пасхі!
Гэтае самае галоўнае свята ўсіх хрысціян з’яўляецца не только святкаваннем значнай падзеі ў гісторыі і жыцці чалавецтва, якая падкрэслівае і ўзвышае годнасць кожнага чалавека і нагадвае пра першаснасць і важнасць духоўнага жыцця, але заклікам да ўсіх нас, каб мы, падобна Апосталам, трывалі супольна на малітве і стваралі супольнасць веруючых. Бо дзякуючы перамозе Хрыста мы маем жыццё вечнае і магчымасць будавання Валадарства Нябеснага тут на зямлі. А яго немагчыма пабудаваць без узаемнай любові, паміж людзьмі, без любові, якая грунтуецца на любові Бога да чалавека, на веры і любові чалавека да Бога, але самае галоўнае — на ўчынках веры чалавека.
Шчыра віншую ўсіх хрысціян з гэтым радасным святам перамогі любові і жыцця над грахом і смерцю. Жадаю, каб сустрэча з Уваскрэслым Хрыстом напоўніла сэрцы ўсіх нас пачуццём сапраўднага спакою, радасці і любові да Бога і людзей.
Радаснага перажывання свята Уваскрэсення Хрыста! Аллелюя!
Кс. Аляксандр Вітко,
адміністратар парафіі св. Пятра і Паўла ў г. Капылі
Комментарии