Паводле інфармацыі ўпраўлення райсельгасхарчу па стане на 6 красавіка гаспадаркамі раёна праведзена закрыццё вільгаці на 9308 га, што складае 25 % да запланаванага, у тым ліку за апошні дзень — на 1758 га. Найбольш хуткімі тэмпамі ідуць работы ў ААТ «Скабін» —70 %, зАТ «Жыліхава» — 51 %, ААТ «Семежава» — 50 %.
Пад яравую сяўбу падрыхтавана 3053 га, за апошні дзень — 894 га. Тут вызначыліся ААТ «Семежава» — 36 % да плана, МАУП «Доктаравічы» — 31 %, ААТ «Старыца-Агра» — 27 %.
На рахунку 12 сельгаспрадпрыемстваў раёна (усяго — 24) першыя дзясяткі пасеяных гектараў яравых культур. Напрыклад, у ААТ «Семежава» пасеяна 99 га, ААТ «Капыльскае» — 70 га, ААТ «Піянер-Агра» — 50 га.
Вядзецца падкормка азімых культур. Усяго на названую дату сілкаванне атрымалі12 040 га (54 %) азімых збожжавых, 3139 га (54 %) азі-мага рапсу, 4677 га (62 %) шматгадовых траў, 9018 га (43 %) лугапашавых угоддзяў.
Пад яравую сяўбу ўнесена 4986 тон дзеючага рэчыва (т дз. р.) мінеральных угнаенняў, у тым ліку за апошні дзень — 218 т дз. р. Арганіка раскідана на 389 824 га (57 %), за апошні дзень — на 6368 га.
Маргарыта САКОВІЧ
Комментарии