18 сакавіка ў г. Мінску адбыўся традыцыйны 14-ы рэспубліканскі лёгкаатлетычны прабег «Адкрыццё сезону-2012», дзе актыўны ўдзел прымалі і 14 капыльскіх спартсменаў.
Спаборніцтвы праходзілі на базе лёгкаатлетычнага манежа Рэспубліканскага цэнтра алімпійскай падрыхтоўкі па лёгкай атлетыцы Міністэрства спорту і турызму Рэспублікі Беларусь. На дыстанцыі 1, 3 і 15 кіламетраў выйшлі каля 300 аматараў здаровага ладу жыцця. Прыемна адзначыць, што нашы землякі дастойна прадставілі Капыльшчыну на гэтых спаборніцтвах. Так, у групе 40–44 гады Дзмітрый Була стаў пераможцам на 15 кіламетраў. Сяргей Місючэнка (30–39 гадоў) на гэтай жа дыстанцыі стаў другім. Нядрэнна выступілі ветэран бегу Ігар Гаражан і нядаўні выпускнік гімназіі №1 Дзмітрый Парыбак, а самыя юныя ўдзельнікі прабегу сталі прызёрамі на кароткіх дыстанцыях.
Сяргей ЛАЗОЎСКІ
Комментарии