У нядзелю, 25 сакавіка, адбылося закрыццё Тыдня праваслаўнай кнігі, які праходзіў на Капыльшчыне ў рамках духоўна-асветніцкай праграмы “Сям’я – Яднанне – Айчына”.
[caption id="attachment_17505" align="aligncenter" width="443" caption="Хрэсны ход па Капылі"]
[/caption]
У Спаса-Узнясенскім храме г. Капыля раніцай была адслужана Боская Літургія. Пасля па вуліцах райцэнтра вернікі прайшлі Хрэсным ходам да раённага Цэнтра культуры, дзе і праходзілі асноўныя дзействы заключнага дня. У зале сабраліся прадстаўнікі раённай улады, шматлікія прыхаджане, госці свята. Прысутных вітаў благачынны цэркваў Капыльскай акругі протаіерэй Сергій Чарны. Ён адзначыў, што мэта духоўна-асветніцкай праграмы – змяніць тыя негатыўныя наступствы грахоў бездухоўнага жыцця, якія ёсць у нашым грамадстве. “З дапамогай супрацоўнікаў Беларускага Экзархата пры падтрымцы раённага кіраўніцтва мы на працягу тыдня правялі мерапрыемствы, якія былі накіраваны на прафілактыку праблем нарказалежнасці, п’янства, курэння і абортаў. Сустракаліся з дзецьмі, школьнікамі і студэнтамі, гутарылі з імі. І спадзяюся, усё тое, што адбывалася ў рамках тыдня, прынясе добрыя, дастойныя плады”.
Айцец Сергій падзякаваў раённаму кіраўніцтву за садзейнічанне ў правядзенні мерапрыемстваў і ўручыў падзякі выдавецтва Беларускага Экзархата старшыні райвыканкама Анатолю Жданеню, намесніку старшыні райвыканкама Але Раеўскай, начальнікам ад-дзела ідэалагічнай работы Людміле Камковай, аддзела культуры Наталлі Царковай, дырэктарам РЦК Наталлі Рыбак, прафесійна-тэхнічнага каледжа Анатолю Пяткевічу і гімназіі №1 Ірыне Абас.
Завяршылася мерапрыемства канцэртам ансамбля “Благовест”, які падарыў прысутным богаслужэбныя, духоўныя песнапенні, выканаў шэраг жартоўных народных твораў.
Сяргей ЛАЗОЎСКІ
Фота аўтара
Комментарии