З мэтай стварэння ўмоў для выяўлення, падтрымкі і развіцця інтэлектуальна-творчага патэнцыялу дзяцей малодшага ўзросту, стымулявання дзейнасці педагагічных калектываў устаноў адукацыі ў рабоце з дзецьмі на базе гімназіі №1 г. Капыля прайшоў раённы конкурс даследчых работ вучняў пачатковых класаў “Я – даследчык”. На яго было прадстаўлена 37 работ з 20 устаноў адукацыі.
Так, у секцыі “Фізіка” пераможцамі прызнаны Яўген Свяцкі (4 кл., гімназія №1), другое месца ў Дзяніса Каленчыца (4 кл., Быстрыцкая СШ), трэція – у Сяргея Амяльянчыка (2 кл., СШ №3) і Аляксандры Кукраш (4 кл., СШ №2). У секцыі “Прыродазнаўства” першае месца заняў Антон Лазоўскі з Быстрыцкай СШ (3 кл.), другія – Яніна Зубарык з гімназіі №1 (4 кл.) і Аляксандра Сняжко з Жыліхаўскай СШ (2 кл.), трэція – Лізавета Бохан і Дар’я Станішэўская, трэцякласніцы СШ №3 г. Капыля. У секцыі “У свеце прыроды” прызавыя месцы размеркавалі паміж сабой Ілля Таўгень з Цімкавіцкай СШ (2 кл.), Аляксандра Мацейка з СШ №2 (1 кл.) і Арына Скрыган з Быстрыцкай СШ (4 кл.). А вось у секцыі “Гуманітарныя веды” лепшымі названы работы Дзіяны Фінке (3 кл., гімназія №1), другое месца ў Аляксандры Маляўкі (4 кл., Цімкавіцкая СШ), трэція – у Яны Алішэвіч (4 кл., Каменская СШ), а таксама Мікіты Рыжкоўскага і Ганны Матусевіч (2 кл., гімназія №1).
Журы канферэнцыі адзначыла добрую якасць навукова-даследчых работ навучэнцаў. Вынікі сведчаць аб высокім узроўні прафесіяналізму педагогаў – кіраўнікоў работ. Конкурс садзейнічаў стварэнню атмасферы навуковага пошуку, узаемадзеяння і супрацоўніцтва паміж удзельнікамі.
Алена КАРПЯЛЕНЯ,
спецыяліст аддзела адукацыі райвыканкама
На здымку: Юныя даследчыкі з гімназіі №1 г. Капыля
Комментарии