6 - 7 сакавіка ў Мінску прайшлі фінальныя спаборніцтвы сярод дзяцей і падлеткаў па біятлоне, лыжных гонках і стральбе з пнеўматычнай зброі «Снежны снайпер» на прызы Прэзідэнцкага спартыўнага клуба.
Гэтыя спаборніцтвы стартавалі ўжо шосты раз. У фінал трапілі каля 200 юных спартсменаў, якія, па ўмовах турніру, не займаюцца ў спецыялізаваных спартыўных школах.
Спаборніцтвы праходзілі ў дзвюх узроставых групах сярод хлопчыкаў і дзяўчынак: малодшая (2000-2001 гг.) і старэйшая група (1998-1999 гг.). У першай за Мінскую вобласць выступала выхаванка гімназіі №1 г. Капыля Ганна Баразнёнак. Добрую падрыхтоўку юная капылянка прадэманстравала на лыжні, дзе неабходна было пераадолець трохкіламетровую дыстанцыю класічным ходам. Яе вынік, 9 хвілін 19 секунд, стаў лепшым часам спаборніцтваў. Ёй дасталіся кубак, дыплом і спецыяльны спартыўны касцюм для лыжнікаў.
Віншуем з перамогай, Ганна!
Сяргей ЛАЗОЎСКІ
Фота аўтара
На здымку: Ганна Баразнёнак
Комментарии