Штотыднёвае абследаванне замацаваных тэрыторый будуць праводзіць зацверджаныя рашэннем райвыканкама № 137 ад 6 лютага 2012 года рабочыя групы па навядзенні парадку на зямлі і добраўпарадкаванні тэрыторый населеных пунктаў раёна.
У іх склад уваходзяць прадстаўнікі раённай улады, сельскіх выканаўчых камітэтаў, інспекцыі прыродных рэсурсаў і аховы навакольнага асяроддзя, землеўпарадкавальнай службы, лясгаса, цэнтра гігіены і эпідэміялогіі, упраўлення сельскай гаспадаркі і харчавання. Акрамя таго, згодна з памянёным рашэннем, члены груп сумесна з камісіямі па навядзенні парадку на зямлі і добраўпарадкаванні пры сельскіх выканаўчых камітэтах у тэрмін да 5 сакавіка павінны былі распрацаваць і зацвердзіць канкрэтныя мерапрыемствы па навядзенні парадку на зямлі і добраўпарадкаванні тэрыторыі населеных пунктаў з указаннем канкрэтных аб’ёмаў работ, тэрмінаў іх выканання і адказных асоб.
Кожны месяц будуць праводзіцца пасяджэнні, у тым ліку і выязныя, адпаведнага раённага штаба, які ўзначаліў старшыня раённага выканаўчага камітэта Анатоль Жданеня.
Маргарыта САКОВІЧ
Комментарии