25
Навіны раёна адным абзацам (CMigrator copy 12)
29.02.2012
НАСЕННЕ. На 23,9 % выканана заданне па завозе насення эліты. Справіліся з пастаўленай задачай пакуль толькі ў ААТ “Прагрэс 2010”, дзе набыта 21,5 тоны.
УГНАЕННІ. У раёне перавыканана заданне па нарыхтоўцы арганічных угнаенняў — 106 %, вывезена арганікі 82 % да неабходнага, унесена пад яравую сяўбу — 51 % , у тым ліку за 27 лютага 660 тон.
МАЛАКО. Паводле інфармацыі на 28 лютага гаспадаркамі раёна прададзена за дзень 215 236 кг малака, што на 13 701 кг больш, чым летась.
САДЫ. Гаспадаркі раёна вядуць раскарчоўку непрадукцыйных садоў. З запланаваных 125 га ўжо выдалены старыя дрэвы на 52 га.
НАРАДЖАЛЬНАСЦЬ. Сёлета ў аддзеле запісу актаў грамадзянскага стану ўжо зарэгістравана 26 нованароджаных: 15 хлопчыкаў і 11 дзяўчынак. Папулярнымі імёнамі ў капылян сталі Яраслаў, Станіслаў, Кірыл, Данііл і Сафія, Паліна, Валерыя.
ПРАЕКТ. У пятніцу, 2 сакавіка, у фінале праекта “Светлыя галовы” капыльскія школьнікі Вячаслаў Калевіч і Вераніка Нупрэйчык сустрэнуцца з юнымі інтэлектуаламі са Слуцка. Пачатак гульні ў 13.15. Падтрымаем капылян!
ВЫСТАВА. У выставачнай зале раённага краязнаўчага музея працуе выстава “ЭКСПА-2010”. Прадстаўлена яна пасольствам КНР у Рэспубліцы Беларусь.
ТЦСАН. За бягучы год 58 дзяцей першых двух гадоў жыцця з 55 сямей забяспечаны бясплатнымі прадуктамі харчавання. Сярод тых, чые заявы задаволены, адзінокія маці – 25 сямей, мнагадзетныя сем’і – 13, няпоўная – 1 і поўныя – 16.
ДАІ. З пачатку года ў Мінскай вобласці зарэгістравана звыш 100 ДТЗ, у якіх 26 чалавек загінулі і каля 130 атрымалі раненні. 2 ДТЗ здзейснілі вадзіцелі, што знаходзіліся ў стане алкагольнага ап’янення. Аб гэтым, а таксама аб асноўных прычынах зімовых ДТЗ, гаварылі супрацоўнікі АДАІ Капыльскага РАУС, выступаючы перад вадзіцелямі падчас правядзення адзінага Дня бяспекі дарожнага руху пад дэвізам: “Цана памылкі – жыццё!”
Поделиться
Автор: info
Комментарии