Iснуе час калядных наведванняў, час, калі святар наведвае дамы вернікаў, размаўляе на духоўныя тэмы, разам моліцца
і просіць Божага благаслаўлення для сям’і і яе дому.
Не так даўно такія візіты распачыналіся на Новы год і скончваліся на свята Аб’яўлення Пана (6 студзеня). Сёння яны пачынаюцца на Новы год ці пасля свята Аб’яўлення Пана і не маюць вызначанага тэрміну...
Душпастарскія візіты святара —гэта таксама магчымасць асабістага знаёмства са святаром, нагода для пашырэння веры і духоўнага развіцця. Асаблівасцю душпастарскай сустрэчы з’яўляецца тое, што ў ёй павінна ўдзельнічаць уся сям’я. Таму ўсе яе члены абавязаны даведацца, у які час святар наведае дом, каб загадзя падрыхтавацца да таго.
Акрамя духоўнай падрыхтоўкі неабходна выканаць некаторыя знешнія ўмовы: заслаць стол белым абрусам, на якім будуць знаходзіцца крыж, свечка, асвячоная вада і крапідла.
Гаспадар павінен прывітаць святара і пазнаёміць яго з тымі членамі сям’і, якіх ён не ведае. Сустрэча працягваецца гутаркай, звязанай з духоўным жыццём сям’і. Пасля адбываецца супольная малітва і асвячэнне пакояў.
Ксёндз
Аляксандр ВІТКО
Комментарии