Экспазіцыя раённага цэнтра ткацтва Капыльскага раёна папоўнілася вельмі цікавым экспанатам - верхняй мужчынскай вопраткай з сукна, якой болей за 100 гадоў. Гэта жупан, а па-семежаўску кофта. Падараваў яе Генадзь Васільевіч Бялкоўскі, 1959 года нараджэння, нарадзіўся і вырас ён у Семежаве.
Сам ён гэта адзенне не насіў, але насіў яго бацька Васіль Сямёнавіч, 1924 года нараджэння. Для Генадзя Васільевіча была праведзена экскурсія па залах цэнтра ткацтва, пад час якой ён атрымаў магчымасць нібы вярнуцца ў маленства, калі гэтыя рэчы былі часткай паўсядзённага жыцця жыхароў вёскі Семежава.
Комментарии