Старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па бюджэце і фінансах
Людміла Ніжэвіч падчас свайго чарговага знаходжання ў акрузе правяла маніторынг Слабада-Кучынскага і Песачанскага ФАПаў, дзе быў запланаваны прыём грамадзян.
У прыватнасці,
Людміла Ніжэвіч падкрэсліла, што сістэме аховы здароўя раёна неабходна ўхіліць усе праблемныя пытанні і аказваць насельніцтву толькі якасную і кваліфікаваную дапамогу. Тычыцца гэта і працы ФАПаў у сельскіх населеных пунктах.
– Ад таго, як вы будзеце правільна ўстанаўліваць дыягназы, прызначаць лячэнне, залежыць здароўе і жыццё нашых грамадзян, – заўважыла
Людміла Іванаўна.
Галоўны ўрач цэнтральнай раённай бальніцы
Сяргей Пацяйковіч прызнаў, што праблемных пытанняў у сістэме аховы здароўя дастаткова. Калектыў штодня імкнецца іх вырашаць. Але большасць праблем упіраецца ў фінансаванне. Самыя асноўныя з іх – будынкі ўстаноў аховы здароўя раёна (асабліва ў сельскай мясцовасці) маюць патрэбу ў рамонце. Неабходна і абнаўленне матэрыяльна-тэхнічнай базы. Старшыня раённага Савета дэпутатаў
Ірына Кісляк закранула праблему забеспячэння медыцынскімі кадрамі, замацавання маладых спецыялістаў, дэмаграфічнай сітуацыі і іншыя.
Сяргей КОЗЕЛ 
Комментарии