Як будуць выконвацца на Капыльшчыне задачы, пастаўленыя кіраўніком дзяржавы Аляксандрам Лукашэнкам падчас работы пастаянна дзеючага семінара кіруючых работнікаў рэспубліканскіх і мясцовых дзяржорганаў, які адбыўся на мінулым тыдні і быў прысвечаны тэме імпартазамяшчэння.
Пра гэта ішла размова на нарадзе, якую правёў у панядзелак старшыня райвыканкама Анатоль Жданеня з начальнікамі ўпраўленняў, аддзелаў, служб райвыканкама, кіраўнікамі арганізацый і прадпрыемстваў горада. На два дні раней такая размова адбылася з кіраўнікамі сельгаспрадпрыемстваў Капыльшчыны.
“Паколькі наш раён сельскагаспадарчы, галоўная задача для нас, — адзначыў Анатоль Іосіфавіч, — прыкласці максімум намаганняў для росту вытворчасці ва ўсіх сферах дзейнасці. А рэзервы ў нас ёсць, трэба толькі правільна іх рэалізаваць.” Кіраўнік раённай “вертыкалі” запатрабаваў больш актыўнасці праяўляць аддзелу эканомікі, праўленню райспажыўтаварыства, будаўнічым і прамысловым арганізацыям. “Трэба навучыцца зарабляць грошы ў кожнай сферы”, — рэзюміраваў ён.
Маргарыта САКОВІЧ
Комментарии