22
Навіны раёна адным абзацам (CMigrator copy 6)
21.12.2011
ПРЭС-КАНФЕРЭНЦЫЯ. У панядзелак адбылася прэс-канферэцыя старшыні Мінаблвыканкама Барыса Батуры з прадстаўнікамі рэгіянальных і рэспубліканскіх (дзяржаўных і недзяржаўных) сродкаў масавай інфармацыі. Паводле слоў Барыса Васільевіча, усе пераўтварэнні ў сацыяльна-эканамічным развіцці заўсёды павінны праводзіцца ў інтарэсах чалавека. І гэта галоўная задача ўлады.
ДЭПУТАТЫ. 15 і 16 снежня на тэрыторыі Капыльскага раёна прайшлі Дні дэпутатаў, падчас якіх заслухоўваліся справаздачы народных выбраннікаў перад выбаршчыкамі. Дэпутаты пярвічнага, базавага і абласнога тэрытарыяльных узроўняў правялі сустрэчы з мэтай інфармавання аб сваёй дзейнасці і ходзе рэалізацыі перадвыбарных праграм, вывучэння рэалізацыі пытанняў, якія разглядаліся на сесіях Саветаў і іх органаў.
ПРЫСЯГА. Мінулая субота стала асаблівым днём для 41 юнака з Капыльшчыны. На вернасць Айчыне, беларускаму народу яны кляліся ў гг. Барысаве, Віцебску, Мар’інай Горцы, Полацку і Ст. Дарогах.
НАРАДЖАЛЬНАСЦЬ. У аддзеле запісу актаў грамадзянскага стану паведамілі, што за 11 месяцаў бягучага года ў раёне зарэгістравана 278 нованароджаных. Гэта на два немаўляці больш, чым за такі ж перыяд 2010 г.
БРСМ. На сёння ў Капыльскім раёне налічваецца 1297 членаў БРСМ, якія аб’яднаны ў 70 пярвічных арганізацый.
СВЯТА. Пачынаючы з мінулай суботы і да 20 студзеня ў экалагічным цэнтры “Станькава” ўсе жадаючыя могуць прыняць удзел у святочнай праграме “Дзівосы Станькаўскага лесу”, сустрэцца ў Рэзідэнцыі Дзеда Мароза з гэтым казачным персанажам і яго ўнучкай Снягуркай.
ЁЛКІ. Удзел у абласной Навагодняй ёлцы, што пройдзе ў г. Маладзечна 23 снежня, прымуць 18 прадстаўнікоў Капыльшчыны. 27 снежня чатыры школьнікі з нашага раёна запрошаны на Прэзідэнцкую ёлку. А 4 студзеня пройдзе агульнараённая — для лепшых навучэнцаў.
АГЕНЬЧЫК. 29 снежня ў раённым Цэнтры культуры адбудзецца маладзёжны навагодні агеньчык. У праграме — тэатралізаванае прадстаўленне, конкурсы, падарункі, сустрэчы з Дзедам Марозам і Снягуркай.
МУЗЕЙ. За мінулы год 43 маладыя пары сталі ўдзельнікамі ўрачыстасці «Апекуны шчасця», якое адбываецца ў раённым краязнаўчым музеі.
lКУЛЬТУРА. Культурнае абслугоўванне насельніцтва раёна ажыццяўляюць 67 устаноў культуры.
МАЛАКО. 20 снежня гаспадаркамі раёна надоена 210,29 т малака, што складае 106 % да адпаведнага ўзроўню мінулага года. Надой ад адной каровы складае 10,85 кг. Адзінаццаць сельгаспрадпрыемстваў перавысілі сярэднераённы паказчык.
АКЦЫЯ. У мэтах папярэджвання дзіцячага дарожна-транспартнага траўматызму падчас зімовых школьных канікул у перыяд з 19 снежня па 8 студзеня 2012 г. ДАІ Мінскай вобласці праводзіць акцыю «Бяспечныя канікулы».
ПРЫРОДА. Заўтра — 22 снежня — самы кароткі дзень і самая доўгая ноч. У Капылі даўжыня дня зменшыцца да 7 гадзін і 23 хвілін. Аднак ужо з 25 снежня дзень пачне павялічвацца.
Поделиться
Автор: info
Комментарии