Стартавалі каля 130 школьнікаў з дзесяці ўстаноў адукацыі. Да іх далучыліся больш за 40 прадстаўнікоў з 13 арганізацый раёна. І дарослых, і юных спартсменаў падтрымала начальнік упраўлення па адукацыі, спорце і турызме райвыканкама
Алена Карповіч.
[caption id="attachment_127790" align="alignnone" width="840"]
На старце дыстанцыі ў 1 км - жанчыны[/caption]
— Вясенні крос — штогадовае мерапрыемства, арганізаванае нашым упраўленнем, — адзначыла падчас адкрыцця Алена Алегаўна. — У першую чаргу крос праводзіцца, каб дапамагчы сфарміраваць здаровы лад жыцця ў дзяцей і падлеткаў, прыцягнуць моладзь і насельніцтва да заняткаў даступнымі відамі спорту. Вынікі вызначаць наймацнейшыя каманды і лепшых бегуноў для ўдзелу ў абласных спаборніцтвах. Цешыць тое, што колькасць юных спартсменаў з кожным годам не памяншаецца, а толькі павялічваецца.
Барацьба на даволі няпростай бегавой трасе, размешчанай каля фізкультурна-аздараўленчага цэнтра, разгарнулася гарачая. У залежнасці ад узросту спартсменам трэба было прабегчы пэўную колькасць кіламетраў. Пад воклічы гледачоў кожны імкнуўся выкласціся на ўсе сто. Спартыўны поспех усміхнуўся самым падрыхтаваным і вынослівым. У асабістым заліку абсалютную перамогу ў старэйшых узроставых групах сярод мужчын святкавалі ўсім вядомы
Сяргей Місючэнка з Капыльскай ЖКГ і
Павел Лазоўскі ад філіяла «Лакнея», сярод жанчын —
Кацярына Князюк (СШ №2 г. Капыля) і
Лізавета Буднікава (ф-л «Лакнея»). Сярод юнакоў вызначыліся
Яўген Корык і
Мікіта Ліннік з СШ №2,
Настасся Турэйка з СШ №3 г. Капыля і
Дар’я Серпітоўская з СШ №2. Лепшыя вынікі ў хлопчыкаў паказалі
Дзмітрый Чаркас (СШ №3) і
Ягор Чаркас (гімназія №1 г. Капыля), у дзяўчынак —
Уладзіслава Юха (гімназія №1) і
Марыя Бушыла (СШ №2).
Усе яны і прызёры атрымалі ўзнагароды ад упраўлення адукацыі, спорту і турызму райвыканкама.
Сяргей КОЗЕЛ 
Комментарии