29
Навіны раёна адным абзацам (CMigrator copy 5)
14.12.2011
ВЫКАНКАМ. На апошнім у гэтым годзе планавым пасяджэнні райвыканкама, якое адбудзецца 23 снежня, будзе разгледжана пытанне аб прагнозе сацыяльна-эканамічнага развіцця Капыльскага раёна на 2012 год.
ІНВЕСТЫЦЫІ. За 11 месяцаў 2011 года ДЛГУ “Капыльскі лясгас” прыцягнута інвестыцый у асноўны капітал на суму 4 млрд 124 млн рублёў (170,5%).
КАЛЕГІЯ. Установы адукацыі Капыльшчыны актыўна рыхтуюцца да прыёму гасцей. 16 снежня на выязную калегію ўпраўлення адукацыі Мінаблвыканкама збяруцца начальнікі аддзелаў адукацыі райвыканкамаў, дырэктары прафтэхліцэяў і школ-інтэрнатаў вобласці. Размова пойдзе аб эфектыўнасці сістэмы ідэалагічнай і выхаваўчай работы і ўдасканаленні механізмаў развіцця выхаваўчай прасторы.
ЖЫВЁЛАГАДОЎЛЯ. 19 аператараў па адкорме буйной рагатай жывёлы па выніках работы за 11 месяцаў 2011 года атрымалі сярэднясутачныя прывагі больш за адзін кілаграм. Гэта жывёлаводы адкрытых акцыянерных таварыстваў “Капыльскае” і “Старыца-Агра”.
ЗАКУП. З пачатку месяца з асабістых падвор’яў вяскоўцаў, дзе ўтрымліваеццца 761 карова, закуплена 20 039 кіла-грамаў малака, летась за названы перыяд гэты паказчык складаў 20 290 кг.
УГНАЕННІ. Пад яравую сяўбу 2011 года нарыхтавана 448 272 тоны арганічных угнаенняў, ужо вывезена 321 903 тоны, унесена 208 806 тон.
ПРАФІЛАКТЫКА. У мэтах прафілактыкі правапарушэнняў распараджэннем старшыні райвыканкама ад 28.11.2011 г. за тымі, хто знаходзіцца на ўліку ў інспекцыі па справах непаўналетніх Капыльскага РАУС, замацаваны адказныя работнікі райвыканкама, яго структурных падраздзяленняў.
РАУС. За 11 месяцаў бягучага года супрацоўнікамі следчага аддзялення папярэдняга расследавання Капыльскага РАУС пракурору раёна перададзена для накіравання ў суд 93 крымінальныя справы, па якіх прыцягнуты 121 абвінавачаны.
ПЕНСІІ. На ўліку ва ўпраўленні па працы, занятасці і сацыяльный абароне райвыканкама па стане на 1 лістапада знаходзіцца 11 005 атрымальнікаў пенсій, з іх па ўзросце – 9100 чалавек, па інваліднасці – 1035, з выпадку страты кар-міцеля – 523, за выслугу гадоў атрымліваюць 98, сацыяльныя пенсіі 198.
КУЛЬТУРА. За гэты год клубнымі ўстановамі раёна было праведзена 6612 мерапрыемстваў. Непасрэдна работнікамі раённага Цэнтра культуры было арганізавана 379, з якіх 111 канцэртаў, 22 тэатралізаваныя прадстаўленні, 13 выстаў, 9 семінараў і 3 выязныя семінары-практыкумы.
ЁЛКА. На цэнтральнай плошчы г. Капыля ўстаноўлена навагодняя зялёная прыгажуня, якая прыбыла з Колаўскага лясніцтва. Яе вышыня -– 10 метраў, а вага – 2,8 тоны.
Поделиться
Автор: info
Комментарии