31
Навіны раёна адным абзацам (CMigrator copy 4)
08.12.2011
З’езд. 8 - 9 снежня ў г. Мінску адбудзецца 41 з’езд грамадскага аб’яднання «Беларускі рэспубліканскі саюз моладзі», у якім прыме ўдзел і дэлегацыя Капыльскага раёна ў складзе намесніка старшыні райвыканкама Алы Раеўскай, першага сакратара РК ГА «БРСМ» Наталлі Гарбацэвіч і намесніка дырэктара ДУА «Гімназія №1 г. Капыля» Валянціны Балажынскай.
Вынікі. У гэтыя дні на кожнай ферме раёна падводзяцца вынікі работы за 11 месяцаў 2011 года з удзелам адказных работнікаў райвыканкама і спецыялістаў зааветслужбы.
КАЦЕЛЬНІ. Згодна з рашэннем Мінскага абласнога выканаўчага камітэта ў раёне ідзе перадача кацельняў устаноў адукацыі на баланс жыллёва-камунальнай гаспадаркі. Плануецца, што на гэтым тыдні 16 цеплааб’ектаў атрымаюць новага гаспадара.
Прамая лінія. 1 снежня адбылася прамая лінія з пракурорам Капыльскага раёна Сяргеем Брэлем. Звярнуліся шэсць чалавек. Пытанні грамадзян узяты на кантроль.
АКЦЫІ. Установамі адукацыі раёна сёлета праведзена 432 працоўныя акцыі па добраўпарадкаванні месцаў воінскіх пахаванняў, помнікаў баявой славы.
ЗАГС. За лістапад бягучага года ў раёне з’явілася на свет 15 чалавек, зарэгістравана 33 шлюбы.
ЗДАРОЎЕ. Медыцынская рэабілітацыя інвалідаў праца- здольнага ўзросту, дзяцей-інвалідаў і часта хварэючых (усяго 173 чалавекі) праводзілася на базе рэабілітацыйных цэнтраў «Гарадзішча», «Аксакаўшчына», «Атоліна», «Гарадзея», «Пухавічы».
ДАПАМОГА. З мэтай падтрымкі сем’яў і аказання дапамогі ў цяжкай жыццёвай сітуацыі супрацоўнікамі ДУ «Капыльскі тэрытарыяльны цэнтр сацыяльнага абслугоўвання насельніцтва» аказана гуманітарная дапамога 1205 чалавекам на агульную суму 106 млн рублёў.
КАДРЫ. У сферы культуры працуюць 222 чалавекі, з якіх 56 маюць вышэйшую адукацыю, 121 - сярэдне-спецыяльную і 45 - сярэднюю адукацыю.
МУЗЕЙ. У выставачнай зале раённага краязнаўчага музея працуюць дзве выставы - «Савецкія святы ў паштоўках» і «Гісторыя нашай краіны ў паштоўках».
БАСЕЙНЫ. З пачатку ацяпляльнага сезона 2961 чалавек выкарыстаў паслугі басейнаў фізкультурна-аздараўленчага комплексу г. Капыля.
Поделиться
Автор: info
Комментарии