Умілаваныя браты і сёстры, шаноўныя капыляне!
У бліжэйшыя дні Божага Нараджэння нас чакае духоўная пілігрымка да Бэтлеемскіх ясляў, дзе разам з Найсвяцейшай Паннай Марыяй, св. Юзафам і пастухамі – аб’яднацца ў пакланенні Слову, якое сталася целам і пасялілася сярод нас (пар. Ян 1, 14).
Сярод дароў, якія Бог прыносіць у свет, каб адарыць нас, ёсць таксама дар супакою. Пра Яго гавораць анёлы, калі праслаўляюць Бога словамі: «Хвала на вышынях Богу, а на зямлі супакой людзям добрай волі» (Лк. 2, 14). Гэты Божы супакой, сапраўдны спакой сэрца, патрэбны нам у штодзённым жыцці, у нашых дамах і сем’ях. Гэты мір патрэбны ўсяму свету.
Жадаю, каб Езус, народжаны ў Бэтлееме, адарыў усіх нас сваім супакоем, багаццем сваіх ласкаў і ўсімі духоўнымі дабротамі, каб мы маглі кожны дзень выконваць Яго волю і сведчыць аб Ім і Яго Евангеллі таксама ў бліжэйшым 2023 годзе.
Ксёндз Андрэй КАЛЯДКА,
настаяцель парафіі святых Пятра і Паўла ў г. Капылі
Комментарии