Капыльшчына прадстаўлена не толькі дэлегацыяй нашых землякоў, якія сталі гледачамі насычанай святочнай праграмы. Нашы майстры — прадстаўнікі раённага цэнтра ткацтва і раённага цэнтра траўдыцыйнай культуры — прымаюць актыўны ўдзел у «Горадзе майстроў». Увагу маладзечанцаў і прыезджых таксама прыцягвае тэматычная пляцоўка “Мястэчка Капыль 17 ст.” Капыльскай раённай цэнтральнай бібліятэкі імя Анатоля Астрэйкі. Народны аркестр народных інструментаў "Капыльскія дудары" выконвае твор “Успамін старажытнага палаца”, пад які адбываецца тэатралізацыя гістарычнага балю. На фоне гэтага дзеяння выходзіць вяшчальнік і са скрутка папірусу чытае тэкст аб прысваенні Магдэбургскага права г. Капылю.
Комментарии