У трэцюю нядзелю верасня адзначаецца прафесійнае свята людзей, якія сваёй высакароднай працай прымнажаюць нашы лясныя багацці і спрыяюць іх рацыянальнаму выкарыстанню. Менавіта з гэтай нагоды ў раённым Цэнтры культуры на абласной урачыстасці сабраліся лепшыя супрацоўнікі лясгасаў Міншчыны.
[caption id="attachment_13010" align="aligncenter" width="443" caption="У. Корбут, В. Галавач, Г. Шамяціла, С. Кубрак і Д. Якубоўскі"]
[/caption]
У фае работнікі Капыльскага лясгаса арганізавалі стылізаваную выставу, дзе экспанатамі сталі выявы шматлікіх звяроў і рэдкія пароды дрэў і раслін. Тут жа былі разгорнуты прэзентацыі лясніцтваў школ раёна, а наведвальнікаў забаўлялі і частавалі мёдам, усялякімі прысмакамі добра вядомыя «Лоцвінскія ўдалухі». На свята завіталі ганаровыя госці – намеснік міністра лясной гаспадаркі Рэспублікі Беларусь Фёдар Лісіца, старшыня Мінскага абкама прафсаюза работнікаў лесу Аляксандр Кузьмітовіч. Яны з цікавасцю пагутарылі з юнымі лесаводамі Лясноўскай СШ, агледзелі выставу і паспыталі капыльскіх прысмакаў.
[caption id="attachment_13011" align="aligncenter" width="443" caption="Ф. Лісіца (у цэнтры) падчас агляду выставы"]
[/caption]
Міншчына і сёння ў лесагаспадарчай галіне займае лідзіруючыя пазіцыі, перавыконваючы даве-дзеныя заданні. Гэта асабліва падкрэслілі ў сваіх выступленнях ганаровыя госці. Таму за добрасумленную працу, уклад у развіццё лясной гаспадаркі шэрагу супрацоўнікаў лясніцтваў вобласці былі ўручаны граматы, падзякі Міністэрства лясной гаспадаркі, Мінаблвыканкама, Мінскага дзяржаўнага вытворчага лесагаспадарчага аб’яднання. Сярод узнагароджаных – дырэктар Капыльскага лясгаса Сяргей Ульдзіновіч, вядучы інжынер па лесааднаўленні Галіна Шамяціла, ляснік Старыцкага лясніцтва Уладзімір Корбут, вадзіцель Капыльскага лясгаса Сяргей Кубрак, трактарыст Старыцкага лясніцтва Віктар Галавач і станочнік вытворчага майстарскага ўчастка «Лясное» Дзмітрый Якубоўскі.
А выдатны настрой пасля кожнага аддзялення работнікам лесу падтрымлівалі капыльскія самадзейныя артысты.
Сяргей ЛАЗОЎСКІ
Фота аўтара
Комментарии