Сельгаспрадпрыемствы раёна вядуць сяўбу азімых збожжавых культур. З плана 23 410 гектараў засеяна 45%, за апошні дзень — 718 га.
Хімпраполка азімага рапсу ў гаспадарках раёна праведзена на 62% запланаванай плошчы, якая складае 5802 га.
У раёне актыўна вядзецца ўборка кукурузы на зялёны корм і сілас. Убрана 28% неабходнай плошчы, нарыхтавана 80 446 тон зялёнай масы, ураджайнасць склала 303 ц/га.
Першымі ўборку кукурузы на зерне распачалі ў ААТ “Малінава” і “Капыльскае”, дзе нарыхтавана, адпаведна, 154 і 23 тоны.
Гаспадаркі раёна вядуць уборку бульбы. Яна выбрана на 420 га (37%). Накапана 11 148 тон, сярэдняя ўраджайнасць па раёне складае 265 ц/га.
Найбольш урадзіла бульба ў ААТ “Старыца-Агра”, дзе з кожнага гектара атрымліваюць па 349 цэнтнераў. У цэлым па раёне рэалізавана 2983 тоны, у тым ліку 302,6 – гораду Мінску.
Комментарии