Каталіцкія вернікі адзначылі вялікае свята Божага Нараджэння.
Напярэдадні, 24 снежня, у касцёле святых Пятра і Паўла ў Капылі адбылася ўрачыстая служба, якую правёў святар Андрэй Калядка. Нягледзячы на эпідэміялагічнае становішча, у храм прыйшло нямала капылян і жыхароў раёна, а для тых, хто не змог далучыцца да свята, была арганізавана прамая трансляцыя ў Instagram.
Уся зала касцёла была ўпрыгожана ў навагоднім і калядным стылі. Каля самага алтара знаходзілася традыцыйная калядная батлейка, якая адлюстроўвала нараджэнне Езуса Хрыста. Прыемным падарункам для каталіцкіх вернікаў ад ксяндза Андрэя напрыканцы Святой Імшы стаў святочны салют у гонар калядных свят.
У дзень Божага Нараджэння, 25 снежня, вернікі таксама змаглі наведаць касцёл і прыняць удзел у святочнай літургіі. Кожны з іх узнёс да Пана Бога самыя шчырыя пажаданні і малітвы.
Павел ШЭІН
Комментарии