34
Добры настрой - вяскоўцам
28.07.2011
Ад добрага настрою не будзе ў працы застою. 3 гэтым згодны супрацоўнікі Песачанскага цэнтра культуры і вольнага часу. Каму ж падтрымаць у вяскоўцаў добры настрой, як не самадзейным артыстам?
Падрыхтавалі канцэртную праграму пад назвай «Вёсачка мая», аддзел культуры выдзеліў транспарт, раённы Цэнтр культуры дапамог з апаратурай, накіраваў гукааператара— і адправіліся песачанскія самадзейныя артысты ў гастрольную паездку па маланаселеных вёсках РСУП «С «Прамень». Шчырымі апладысментамі сустракалі вяскоўцы Рэнату Калпак, Любу Ждановіч, Алесю Астрэйку, Юлію Скараход, Алесю Шаблюк і Ганну Стасевіч. Зарад добрага настрою атрымалі жыхары вёсак Лугавая, Вялешына, Шамы і Калінаўка. Яны ад усёй душы дзякавалі за дастаўленую асалоду прыгожымі кветкамі, шчырымі словамі, добрымі пажаданнямі.
Стомленыя, але задаволеныя, вярнуліся артысты дамоў. Кожны з іх разумеў, што час патрачаны не дарэмна. Сваёй мэты яны дасягнулі: добры настрой у вяскоўцаў захаваецца надоўга. Ведаюць артысты, што праз некаторы час яны абавязкова скарыстаюцца запрашэннем жыхароў маланаселеных вёсак і наведаюць іх з новай канцэртнай праграмай.
Любоў Карповіч, дырэктар Песачанскага ЦКіВЧ
Поделиться
Автор: admin_222
Комментарии