Паводле інфармацыі дыспетчарскай упраўлення райсельгасхарчу, у раёне ўбрана 9508 га збожжавых і зернебабовых, што складае 25,5 %. Намалочана 34230,3 тоны пры сярэдняй ураджайнасці 36 ц/га.
Высокія тэмпы ў ААТ “Скабін” — абмалочана 44,4 % да плана, ф-ле “Лакнея” — 40,6 %, ААТ “Старыца-Агра” — 34,3 %. Самая высокая ўраджайнасць у ААТ “Піянер-Агра” — 51,1 ц/га, “Семежава” — 50,8, “Старыца-Агра” — 43,7, “Скабін” — 42,4, ф-ле “В. Раёўка” — 40,3. Самыя большыя намалоты ў ААТ “Капыльскае” — 4266 тон, “Старыца-Агра” — 3026 тон (з якіх 1845 тон сплюшчана), “Семежава” — 2817,2 тоны.
Дзяржзаказ па продажы збожжа дзяржаве выкананы на 50 %. Справіліся з заданнем шэсць сельгаспрадпрыемстваў: ААТ “Скабін”, “Семежава”, “Капыльскае”, “Суворава-Агра”, ф-л “Лакнея”, СГФ “Крыніца”.
Практычна закончана ўборка азімага рапсу — на 99 % плошчаў. Намалочана 9560 тон пры ўраджайнасці 21 ц/га. Найбольш урадзіла гэта культура ў ААТ “Старыца-Агра” — 37,8 ц/га, “Піянер-Агра” — 31,9. Рэалізавана дзяржаве 6965 тон з 7000 неабходных.
Комментарии