Выпуск 2020 года. Яны малайцы, не скарыліся перад эпідэміялагічнымі абставінамі. Прыходзілі на заняткі і паказвалі выдатныя веды. Выпускнікі 11 класа аднадушна прынялі рашэнне актывізаваць работу ў межах рэспубліканскай героіка-патрыятычнай акцыі «Вялікай Перамозе – 75!». 9 мая ў Дзень Перамогі разам з настаўнікамі выйшлі на мітынг, аддаючы павагу тым, хто прынёс мірнае неба над роднай краінай. А яшчэ разам з членамі ГА «Беларускі саюз афіцэраў» праводзілі Урокі мужнасці і патрыятызму «Юнгі Перамогі», «Пад небам Бацькаўшчыны нашай прайшла суровая вайна», займаліся добраўпарадкаваннем брацкіх пахаванняў.
[caption id="attachment_90350" align="aligncenter" width="840"]
■ Выпускнікі Слабадакучынскай СШ з настаўнікамі[/caption]
Як члены БРСМ, правялі таварыскі матч па міні-футболе памяці дырэктара школы і франтавіка Івана Трацэўскага паміж камандамі выпускнікоў 9 і 11 класаў. Яны ўдзячны педагагічнаму калектыву за падтрымку і прафесіяналізм.
Пасля апошняга школьнага экзамену па гісторыі Беларусі выпускнікі сфатаграфаваліся на памяць з педагогамі, якія прымалі ў іх іспыты: С.К. Астрэйкай, настаўніцай гісторыі Песачанскай СШ, В.П. Кандыбовіч, дырэктарам Слабадакучынскай СШ, Н.Л. Бохан, настаўніцай геаграфіі, Б.М. Дзенісюком, намеснікам дырэктара Слабадакучынскай СШ.
Барыс ДЗЕНІСЮК,
член ГА «Беларускі саюз журналістаў»
Комментарии