49
Грозовский сельсовет: мы работаем активно и позитивно
08.06.2020
■ Сіламі прыхаджан праведзена добраўпарадкаванне тэрыторыі храма свяціцеля Мікалая Цудатворца ў аграгарадку Грозава. Разраўноўвалася пляцоўка, укладвалася плітка, высаджваліся туі і кветкі.
■ Пасаджаны дрэвы каля манумента ў вёсцы Папоўцы.
■ З усіх грамадзянскіх могілак вывезена смецце пасля навядзення парадку да рэлігійных святаў.
■ У в. Яўсеевічы за кошт сродкаў насельніцтва добраўпарадкавана тэрыторыя могілак і ўстаноўлена частка бетоннай агароджы.
■ Прыбраны стыхійныя сметнікі ў Кандратавічах і Грозаве.
■ З дапамогай філіяла «Лакнея» праведзена барацьба з баршчэўнікам Сасноўскага ў аграгарадку Грозава. Хімічнымі сродкамі апрацавана каля чатырох гектараў.
■ Актыўна вядзецца абкошванне тэрыторый. Гэтым займаецца спецыяльны работнік ЖКГ. У першую чаргу абкошваюцца цэнтральныя сядзібы, землі агульнага карыстання, пустуючыя ўчасткі. Тэрыторыі каля домаўладанняў даглядае насельніцтва.
■ Вядуцца работы па перадачы дакументаў на два пустуючыя дамы ў суд. У в. Сунаі разабраны стары дом сельгаспрадпрыемства, засталося толькі захаваць яго рэшткі.
■ Прадаўжаюцца работы па будаўніцтве жылля для шматдзетных сем’яў, якіх на тэрыторыі сельсавета 39. 22 сям’і знаходзяца на ўліку тых, хто мае патрэбу ў паляпшэнні жыллёвых умоў. Чатыры ўжо палепшылі ўмовы, для 11 вядзецца будаўніцтва, чатыры аформілі ўчасткі, адна сям’я будзе будавацца ў Капылі.
■ Вядзецца продаж пустуючых участкаў. Асаблівай папулярнасцю яны карыстаюцца ў Грозаве, Камсамольскай, Асаўцы і Падлужжы.
■ Перад пачаткам купальнага сезона на ўсіх вадаёмах устаноўлены знакі «Купанне забаронена!»
Сяргей КОЗЕЛ
Поделиться
Автор: Слава працы
Комментарии