На Капыльшчыне заўсёды адзначалі Першамай: працоўныя выходзілі на дэманстрацыі, ладзілі канцэрты. Пра гэта сведчаць старыя чорна-белыя здымкі. На жаль, сёлетнія падзеі не дазваляюць выйсці на цэнтральную плошчу, каб павіншаваць са Святам працы адзін аднаго.
[sciba leftsrc="http://www.kopyl.by/wp-content/uploads/2020/04/1-мая-1.jpg" leftlabel="1967 год" rightsrc="http://www.kopyl.by/wp-content/uploads/2020/04/8999.jpg" rightlabel="2020 год" mode="horizontal" width="840"]
Але мы маем унікальную магчымасць зазірнуць у мінулае і ўявіць, як святкавалі паўстагоддзя таму назад. У фотаархіве капыляніна Мікалая Пятровіча Шкадарэвіча захоўваецца шмат цікавых фотаздымкаў, якія зрабіў яго бацька Пётр Іосіфавіч. У 50–60-я гады ён займаў адказныя пасады ў райкаме партыі. Здымкі Пятра Шкадарэвіча даволі часта друкавалі на старонках раёнкі ў 60-я гады. Сам жа Мікалай Пятровіч 43 гады добрасумленна адпрацаваў на адным месцы – у сельгастэхніцы.
[caption id="attachment_88654" align="aligncenter" width="840"]
1967 год[/caption]
Цікава было параўнаць, як выглядала плошча ў той час і зараз. Для гэтага супрацоўнік газеты «Слава працы» Павел Шэін зрабіў фотаздымкі з таго ж ракурсу.
[caption id="attachment_88655" align="aligncenter" width="840"]
2020 год[/caption]
Пра тое, што свята займае значнае месца ў жыцці любога працуючага чалавека, гаворыцца і ў віншаваннях, размешчаных на сайце нашай газеты. Са словамі пажаданняў да жыхароў Капыльшчыны звярнуліся парламентарый Людміла Ніжэвіч, райвыканкам, райсавет дэпутатаў, раённае аб’яднанне прафсаюзаў.
Дзіяна ТКАЧЭНКА 
Комментарии