У сельскім клубе аг. Н. Доктаравічы напярэдадні Дня Незалежнасці адбыўся святочны канцэрт. Яго ўдзельнікамі сталі Міхаіл Касцяленя і вучні Доктаравіцкай ДАСШ Алег Валчанін, Аляксандр Ясючэня, Гульнара Пячонава, Іван Філіпенка.
Амаль паўтары гадзіны праляцелі ў цёплай атма- сферы непрыкметна. Канцэрт быў завершаны выступленнем старшыні прафкама МАУП “Доктаравічы” Ларысы Прахарэні, якая падзякавала артыстам за дастаўленыя хвіліны радасці і ўручыла ім падарункі.
А назаўтра ў нашым клубе прайшло спаборніцтва па більярдзе. Дзякуючы дырэктару МАУП “Доктаравічы” Уладзіміру Дземянкову, быў адрамантаваны більярдны стол. Цяпер можна з упэўненасцю сказаць, што жыхары аграгарадка будуць праводзіць свой вольны час больш разнастайна і змястоўна.
Святлана ШЫШКО,
бібліятэкар Новадоктаравіцкай сельскай бібліятэкі
Комментарии