Фестываль творчасці людзей з абмежаванымі магчымасцямі «Снежаньскi карагод» сабраў сяброў у г. Барысаве. Туды прыехалі грамадзяне, якія наведваюць аддзяленні дзённага знаходжання для інвалідаў тэрытарыяльных цэнтраў сацыяльнага абслугоўвання насельніцтва Мінскай вобласці.
[caption id="attachment_84209" align="aligncenter" width="840"]
■ Удзельнікі фестывалю з узнагародамі[/caption]
Дэлегацыю Капыльскага раёна ўзначаліла дырэктар ДУ «Капыльскі ТЦСАН» Святлана Маліноўская. На суд журы музычны калектыў «Фіеста» аддзялення забеспячэння дзённага знахо-джання грамадзян Капыльскага ТЦСАН вынес тэатральную кампазіцыю «Шлях да мар». Салістка нумара — Вераніка Зяньковіч, галоўныя ўдзельнікі — Дзяніс Каралькоў, Георгій Курганскі і Дзмітрый Кед.
Гледачы і госці фестывалю цёпла прынялі капылян. Як вынік — яны сталі дыпламантамі. У стварэнні нумара, вобраза, касцюмаў маладым людзям дапамагалі кіраўнік калектыву «Фіеста», загадчыца аддзялення забеспячэння дзённага знаходжання інвалідаў Ірына Рай сумесна з супрацоўнікамі аддзялення дзённага знаходжання тэрытарыяльнага цэнтра. Несумненна, маладыя людзі з абмежаванымі магчымасцямі ад абласнога фестывалю атрымалі шмат станоўчых эмоцый. У гэтым і ёсць асноўная мэта мерапрыемства — зрабіць жыццё інвалідаў насычаным і цікавым.
Таццяна БОХАН
Комментарии