Гэта выяснялі падчас сустрэчы старшыні Капыльскага райвыканкама Сяргея Пілішчыка з жыхарамі аграгарадка.
[caption id="attachment_82334" align="aligncenter" width="840"]
Сяргей Пілішчык (другі справа) з удзельнікамі сустрэчы[/caption]
Трэба адзначыць, што актавая зала Пацейкаўскага сельвыканкама не пуставала. На знаёмства з кіраўніком раёна сабраліся адміністрацыя, працаўнікі ААТ «Прагрэс 2010», супрацоўнікі сельвыканкама, настаўнікі і іншыя прадстаўнікі сацыяльнай сферы, жыхары аграгарадка і суседніх населеных пунктаў.
Сустрэча прайшла ў форме канструктыўнага дыялогу. Сяргей Міхайлавіч расказаў пра перспектывы развіцця Капыльшчыны, а жыхары аграгарадка мелі магчымасць напрамую падзяліцца сваімі праблемамі з кіраўніком раёна, пачуць каментарыі наконт зададзеных пытанняў ад старшыні Пацейкаўскага сельвыканкама Сяргея Цвірко, дырэктара КУП «Капыльская ЖКГ» Дзмітрыя Дарафея.
[caption id="attachment_82335" align="aligncenter" width="840"]
Старшыня райвыканкама Сяргей Пілішчык са старшынёй Пацейкаўскага сельвыканкама Сяреем Цвіркам[/caption]
Не першы год жыхароў Пацеек хвалюе стан вуліцы Юбілейнай. На ёй знаходзяцца ФАП, дзіцячы сад, пражывае многа маладых сем’яў з дзецьмі. Вяскоўцы пыталіся, ці ёсць магчымасць яе заасфальтаваць? Як адзначыў Сяргей Пілішчык, неадкладна вырашыць пытанне няма магчымасці з-за адсутнасці сродкаў, аднак яно будзе знаходзіцца на кантролі.
Жыхар аграгарадка прасіў заручыцца падтрымкай раённай улады для выдзялення яму зямлі на пустуючых участках. Як аказалася, праблемы з гэтым ніякай няма: сельвыканкам можа выдзеліць дадатковыя надзелы.
Жыхары дома № 32 па вул. Школьнай (так званага «настаўніцкага дома») выказалі праблему з ацяпленнем пабудовы. Дадзена даручэнне жыллёва-камунальнай гаспадарцы праверыць стан цепласетак і ўхіліць няспраўнасць.
[caption id="attachment_82336" align="aligncenter" width="840"]
Удзельнікі сустрэчы[/caption]
Таксама былі ўзняты пытанні па рамонце дарожнага пакрыцця на цэнтральнай вуліцы Пацеек і наконт магчымасці ўстаноўкі штучнай няроўнасці на выездзе з населенага пункта ў напрамку Капыля. Яны ўзяты на кантроль.
Сяргей КОЗЕЛ
Комментарии